Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 81-1} mai aṟa viḷaṅkiya maṇi maruḷ a vāy taṉ
• {KALI 81-2} mey peṟā maḻalaiyiṉ viḷaṅku pūṇ naṉaittara
• {KALI 81-3} polam piṟai uḷ tāḻnta puṉai viṉai uruḷ kalaṉ
• {KALI 81-4} nalampeṟu kamaḻ ceṉṉi nakaiyoṭu tuyalvara
• {KALI 81-5} uru eñcātu iṭai kāṭṭum uṭai kaḻal am tukil
• {KALI 81-6} ari poli kiṇkiṇi ārppu ōvā aṭi taṭpa
• {KALI 81-7} pālōṭu alarnta mulai maṟantu muṟṟattu
• {KALI 81-8} kāl val tēr kaiyiṉ iyakki naṭai payiṟṟā
• {KALI 81-9} āl amar celvaṉ aṇi cāl peru viṟal
• {KALI 81-10} pōla varum eṉ uyir
• {KALI 81-11} peruma viruntoṭu kaitūvā emmai um uḷḷāy
• {KALI 81-12} perum teruvil koṇṭāṭi ñāyar payiṟṟa
• {KALI 81-13} tiruntupu nī kaṟṟa coṟkaḷ yām kēṭpa
• {KALI 81-14} maruntu ōvā neñciṟku amiḻtam ayiṉṟaṟṟu ā
• {KALI 81-15} peruntakāy kūṟu cila
• {KALI 81-16} el iḻāy cēy niṉṟu nām koṇarnta pāṇaṉ citaintu āṅku ē
• {KALI 81-17} vāy ōṭi ēṉātippāṭiyam eṉṟaṟṟu ā
• {KALI 81-18} nōy nām taṇikkum maruntu eṉa pārāṭṭa
• {KALI 81-19} ōvātu aṭuttu aṭuttu attattā eṉpāṉ māṇam
• {KALI 81-20} vēy mel tōḷ vēy tiṟam cērttal um maṟṟu ivaṉ
• {KALI 81-21} vāy uḷḷiṉ pōkāṉ arō
• {KALI 81-22} uḷḷi uḻai ē oruṅku paṭai viṭa
• {KALI 81-23} kaḷḷar paṭartantatu pōla tām emmai
• {KALI 81-24} eḷḷumār vantār ē īṅku
• {KALI 81-25} ētappāṭu eṇṇi puricai viyal uḷḷōr
• {KALI 81-26} kaḷvarai kāṇātu kaṇṭēm eṉpār pōla
• {KALI 81-27} cēy niṉṟu ceyyāta colli ciṉaval niṉ
• {KALI 81-28} āṇai kaṭakkiṟpār yār
• {KALI 81-29} atirvu il paṭiṟu erukki vantu eṉ makaṉ mēl
• {KALI 81-30} mutir pūṇ mulai poruta ētilāḷ mucci
• {KALI 81-31} utir tukaḷ ukka niṉ āṭai olippa
• {KALI 81-32} etir vaḷi niṉṟāy nī cel
• {KALI 81-33} iṉi ellā yām tītu ilēm eṉṟu teḷippa um kai nīvi
• {KALI 81-34} yātu oṉṟu um em kaṇ maṟuttaravu il āyiṉ
• {KALI 81-35} mētakka entai peyaraṉai yām koḷvēm
• {KALI 81-36} tāvā viruppoṭu kaṉṟu yātta uḻi cellum
• {KALI 81-37} ā pōl paṭar taka nām